Вучиќ: Ужасен терористички напад пред Народното собрание

Напаѓачот пред Народното собрание на Србија е Владан А., роден во 1955 година во Белград, изјави на прес-конференција српскиот претседател Александар Вучиќ и нападот го оквалификува како „терористички“.

„Драги граѓани на Србија, денеска пред Домот на Народното собрание на Република Србија, Владан Анѓелковиќ, роден 1955 година во Белград, со регистрирано живеалиште во општина Стари Град, изврши – ова е моја политичка проценка и како адвокат – ужасен терористички напад врз други луѓе и туѓ имот и предизвика општа опасност“, рече Вучиќ.

Тој рече дека конечното правно формулирање и квалификација на делото ќе го даде надлежното обвинителство.

„Ако сум во право, тогаш тоа ќе го направи ТОК (Обвинителство за организиран криминал), ако не сум во право, тогаш тоа сигурно ќе го направи Вишото јавно обвинителство во Белград“.

„Ова лице поседувало пиштол од 1993 година, се ослободил од пиштолот во 2018 година, кога тргнавме во акција за одземање оружје од луѓе, а од 2018 година има регистриран нов пиштол од марка „мелиор“, тоа е старо оружје“, рече Вучиќ.

Вучиќ, исто така, рече дека Владан А. е пензионер.

На конференцијата беше прикажано видео во кое уапсеното лице одговара на прашања од полицијата за мотивите на нападот.