Вучиќ пријавен во Јавното обвинителство во Милано за случајот „Сараево Сафари“

Хрватскиот истражувачки новинар Домагој Маргетиќ поднесе извештај до Јавното обвинителство во Милано во врска со случајот „Сараево Сафари“, односно истрагата започната во Италија за наводите дека странци платиле за да пукаат во цивили за време на опсадата на Сараево пред три децении.

„Во 1992 и 1993 година, сегашниот претседател на Србија беше во Сараево како нелегален воен доброволец.

-За време на војната во 1992 и 1993 година, Вучиќ несомнено беше член на озлогласениот и криминален доброволен и паравоен одред под контрола на Српската радикална партија како доброволец од друга земја (Србија). Поточно, тој беше член на одредот командуван од Славко Алексиќ“, се наведува во соопштението.

Понатаму се вели дека „тој одред бил стациониран на еврејските гробишта во Сараево каде што Вучиќ бил доброволец во 1992 и 1993 година, а тоа го потврдија во Хаг Воислав Шешељ и неговиот шеф на правниот тим Зоран Красиќ“.

„Точно, еврејските гробишта во Сараево биле локација во ужасната „туристичка понуда“ на човечко сафари за богати и влијателни луѓе од Италија и биле познати како една од најлуксузните, најбараните и најскапите локации за лов на луѓе во Сараево, а особено за сафарито на убивање деца во рацете на мајките во Сараево“, се наведува во барањето.

За потсетување, Обвинителството во Милано отвори истрага откако локалниот новинар Ецио Гавацени поднесе тужба поради обвинувања дека Италијанците и други странци им платиле на припадници на силите на босанските Срби да го посетат градот и да пукаат во цивили во она што некои го нарекоа „снајперски туризам“, а ова го објави и Ројтерс.