Претседателот на Србија, Александар Вучиќ во рамки на дводневната посета на таа земја се обрати до медиумите присутни во Будимпешта.
По средбата со унгарскиот премиер Виктор Орбан и српските спортисти, претседателот Вучиќ им се обрати на присутните медиуми и ги соопшти темите за кои разговарале.
– Имавме важна средба со унгарските претставници. Разговаравме за многубројни проекти, пред се за железницата Белград-Будимпешта. Го замолив Орбан унгарската страна да го забрза делот во Унгарија, за само за две години да одиме во Будимпешта за 2 часа и 40 минути – најави српскиот претседател и продолжи:
– Разговаравме за енергетските опасности за двете земји и како да ги заштитиме интересите на нашите земји. На Унгарија и понудивме дополнителна соработка во врска со Експо. Исто така, сакаме да изградиме стадион каков што видовме вчера.
Претседателот рече дека во контекст на изложбата ЕКСПО и била понудена соработка на Унгарија.
Како што истакна, до октомври треба да донесеме одлука за создавање на спортски простор, каде што ќе има атлетика, спортски стадион, базени, скокалници.
– До октомври треба да донесеме одлука да изградиме нешто што ќе биде како најголема спортска област во овој дел од Европа, каде што ќе имате и атлетски и фудбалски стадиони, да изградиме базени за спортови на вода. Мора да најдеме решение за тоа. Има еден проблем околу нашите нови стадиони, кој ќе ги одржува. Затоа ќе најдеме една од најдобрите светски компании која ќе ни помогне да ја одржуваме, но и постојано да носиме нови содржини – вели Вучиќ.
Тој посочува дека се разговарало и за граничниот премин со Унгарија и дека ќе се направи нешто што досега не е направено.
– Ќе се обидеме да направиме една контрола за граѓаните на Србија и Унгарија. Ќе биде голема, ќе бара стотици милиони евра инвестиции. Заеднички ќе им го понудиме на нашите романски пријатели, да направат уште еден таков премин на тројната граница. Тоа е предлог од унгарска страна, со ентузијазам го прифативме. Тоа беа главните теми на разговор – рече претседателот.