Вучиќ бил шокиран кога видел како тешко дише Дачиќ – српскиот министер е на апарати
Дачиќ е во сериозна здравствена состојба, итно бил хоспитализиран и поврзан на респиратор. Му била дијагностицирана билатерална пневмонија, а неговата состојба брзо се влошува во последните неколку часа.
Српскиот претседател Александар Вучиќ наводно буквално го „испратил“ министерот за внатрешни работи Ивица Дачиќ во болница утрово кога го видел во пресрет на комеморацијата на Владислав Јовановиќ, пишуваат српските медиуми.
Претседателот бил шокиран кога видел како изгледа Дачиќ и како тешко дишел.
– Кога Вучиќ го видел Дачиќ и разменил неколку зборови со него, веднаш му рекол дека не може да остане на комеморацијата и дека мора итно да оди во болница. Ивица на почетокот се двоумел, но потоа го послушал… – раскажува изворот.
Дачиќ е во сериозна здравствена состојба, итно бил хоспитализиран и поврзан на респиратор. Му била дијагностицирана билатерална пневмонија, а неговата состојба брзо се влошува во последните неколку часа.
„Го посетивме вицепремиерот и претседателот на Социјалистичката партија на Србија сите заедно, тоа е тешка ситуација, но ние веруваме во лекарите и веруваме во него и се молиме за него“, рече Вучиќ пред Клиничкиот центар на Србија.
Дачиќ (60) веќе неколку години страда од дијабетес и други сродни болести. Состојбата на Дачиќ ненадејно и брзо се влоши во последните неколку дена.