ВРЕДИ: Најостро ги осудуваме сите форми на закани и говор на омраза кон новинарите
Од таму велат „Ја поддржуваме реакцијата на Здружението на новинарите на Македонија (ЗНМ) и упатуваме повик до надлежните институции да постапат по секој случај во кој слободата на изразување е доведена во прашање“.
„Коалицијата ВРЕДИ најостро ги осудува сите форми на закани и говор на омраза кон новинарите, независно од нивните убедувања или критики што ги упатуваат.
Во таа насока, изразуваме посебна загриженост за случајот со новинарот Мефаил Исмаили од порталот „ORA24.tv“, кој во последно време е мета на навредливи и заканувачки коментари на социјалните мрежи“ соопштија попладнево од Коалицијата ВРЕДИ.
Од таму велат „Ја поддржуваме реакцијата на Здружението на новинарите на Македонија (ЗНМ) и упатуваме повик до надлежните институции да постапат по секој случај во кој слободата на изразување е доведена во прашање“.
„ВРЕДИ смета дека заштитата на слободата на говор е еден од темелите на доброто владеење и изградбата на демократска држава, во која дебатата се води со аргументи, а не со страв и вербално насилство. Затоа, упатуваме повик до сите државни институции, како и до политичките партии, да реагираат одговорно и да придонесат за создавање безбедна средина за медиумите и за секој граѓанин кој слободно го изразува своето мислење“ е ставот на Коалицијата.