Во четири од десет скопски општини и Градот Скопје градоначалник ќе се избира во вториот круг

Во четири од десет скопски општини и Градот Скопје градоначалник ќе се избира во вториот круг. Градоначалници, во втор круг на Локалните избори 2025 што ќе се одржи утре, ќе избираат граѓаните на Аеродром, Карпош, Центар, Шуто Оризари и на Градот Скопје.

Шест скопски општини избраа градоначалници во првиот круг, од кои тројца добија втор мандат, и тоа градоначалниците на Бутел, Гази Баба и Ѓорче Петров.

Во првиот круг за градоначалник на Скопје гласале вкупно 232 581 граѓанин или 49,04% од вкупниот број на регистрирани избирачи во избирачкиот список. Во вториот круг, право на глас имаат 474 304 избирачи регистрирани во избирачкиот список на вкупно 685 избирачки места.