АктуелноСвет

Во пожар во француски Лион загинаа 10 лица, меѓу кои пет деца

Од Triling Mk 142

Во пожар во станбена зграда во близина на Лион, Франција рано утринава настрадаа 10 луѓе, меѓу кои 5 деца, соопшти локалната власт.

Во 06:30 часот француската полиција издаде соопштение во кое се вели дека избувнал „голем пожар“ во седумкатница во Вок-ан-Велин.

Освен што го наведоа бројот на загинатите, рекоа дека четири лица се во критична состојба, а уште 10 пријавиле полесни повреди.

Тие рекоа дека 170 пожарникари биле испратени на местото и го изгаснале пожарот.

Причината за пожарот се уште е неразјаснета.

Двајца пожарникари се здобиле со полесни повреди при гаснењето на пожарот, кој започнал во приземјето на зградата и се проширил нагоре, велат надлежните