Според медиумите, поранешниот хрватски министер за одбрана Марио Баножиќ во моментот на несреќата имал 0,21 промили алкохол во крвта.
Хрватските медиуми пишуваат дека крвта на Баножиќ била земена во болница за да се знае дали во крвта има алкохол или опијати во случај на операција, правилно да се делува во случај на анестезија, но и да се знае неговата крвна група доколку потребна е трансфузија. Неговата крв била земена околу половина час по несреќата.
Според информациите на порталот, Баножиќ се забавувал ноќта пред несреќата, која се случила во саботата наутро, која траела до доцна во ноќта. Само неколку часа подоцна отишол на лов и предизвикал сообраќајна несреќа во која загинал татко на две деца.
Според хрватскиот закон, пак, бидејќи Баножиќ немал повеќе од 1,5 промили алкохол во крвта, ќе се смета дека до несреќата дошло од невнимание, пренесуваат медиумите.
Ниту Баножиќ, ниту возачот на комбето кој загинал, во моментот на несреќата не ги носеле безбедносните појаси. Истиот извор тврди дека брзината на камионот била 78 км/ч, што значи дека брзината на престигнување била поголема.
Полицијата соопшти дека против Баножиќ ќе биде поднесена кривична пријава за кривично дело предизвикување сообраќајна незгода.
За конечната квалификација на делото најверојатно ќе одлучува Жупаниското државно обвинителство, а доколку се прифати квалификацијата на полицијата, на Баножиќ му се заканува казна затвор од 1 до 8 години.