Во соопштение од украинското Обвинителство денеска се вели дека воениот фоторепортер Макс Левин е убиен во Киев.
Левин од 13. март се водеше како исчезнат, а вчера е пронајдено неговото безживотно тело во селото Хута-Межихриска, во близина на Киев.
Фоторепортерот во подрачјето на Киев бил со друг новинар, Алексеј Черњишов, за кого нема податоци каде се наоѓа.
Левин беше роден во Киев во 1981 година и е татко на четири деца.
Работеше како фоторепортер за голем број украински и странски медиуми, а неговите фотографии ги преземаа „Ројтерс“, „Би-Би-Си“, „АП“ и други.
Левин е петти убиен украински новинар, по инвазијата на Русија.