Пратеникот во украинската Врховна Рада кој сега е дел од одбраната на Киев – Дмитрo Наталука моментно носи пушка со себе, работи како курир што врши достава на медицински материјали каде што е потребно.
Сторија за него ја објави „Би-Би-Си“, а во неа Наталука вели дека украинските пратеници биле однапред утврдени како мети, притоа повикувајќи се на информации добиени од разузнувачките служби.
„Ги добивме овие пушки за да се грижиме за себе бидејќи немаме никакво обезбедување. Изгледаме како цивили, ние всушност сме цивили и затоа ни е многу полесно да се прикрадеме на места каде што не смее да се видат војниците и да ги снабдуваме со она што им е потребно“ вели тој.
Наталука вели дека во моментов го прави она што мора да го направи.
„Изгубив двајца пријатели во последните неколку дена, едниот во Мариупол, другиот во близина на Буча. Мојот пријател од Мариупол можеше да преживее доколку беше опериран, но немаа инструменти“ – вели тој.
Украинскиот пратеник е уверен дека Киев нема да падне, оти мора да се победи независно од цената бидејќи премногу добри луѓе веќе ги дале животите за тоа.
Запрашан за тоа до кога би можела да трае војната во Укрина, тој истакна дека нема да има мир се додека Путин е жив или барем се додека рускиот претседател на биде уапсен, притоа истакнувајќи дека тоа би можело да се случи во рок од 6 месеци.