„Македонија забрзано оди кон економски колапс. Светска Банка прогнозира најнизок раст на македонската економија во споредба со земјите од Европа. Единствено полоши прогнози имаат Украина и Русија. Македонската економија е во сериозна опасност да западне во рецесија и со тоа да се загрозат илјадници работни места.
Дополнително граѓаните во Македонија со власта на Ковачевски се соочуваат со највисока стапка на инфлација во споредба со сите земји од регионот. Стапката на инфлација достигна 18,7%, а основните трошоци за живот се поскапени од 50 до 100%. Ваквата стапка е двојно повисока од европскиот просек, што покажува дека инфлацијата не е во целост увезена, туку е предизвикана од неспособноста на оваа власт.
Ако на ова се додаде и галопирачкиот раст на долгот, тогаш тоа значи дека државата оди кон банкрот. За 5 години власт на СДС јавниот долг е зголемен за 2,5 милијарди евра, што значи во просек секоја година долгот се зголемувал повеќе од растот на БДП.
Реализациата, пак, на капиталните инвестиции на два месеци до крајот на годината едвај има надминато 42%, што покажува дека ништо не се гради, а парите се трошат на непродуктивни трошоци и криминал.
За година и пол затворени се преку 12 илјади компании, а уште илјадници други се пред ставање клуч на врата, бидејќи плаќаат наскапа струја во споредба со регионот, поради што нивната конкурентност е доведена во прашање.
Економските параметри се кои од кои полоши. Власта на Ковачевски за да ја закрпи екомонската катастрофа и да купат некој месец, спремни се да земаат кредити под многу неповолни услови. За еден таков кредит од 100-тина милиони евра превземаат обврски да ги затворат двата клучни капацитеи во енергетиката, РЕК Битола и Осломеј и на тој начин освен што може да останат без работа 4 илијади директно вработени, туку и се загрозува енергетскиот суверенитет на Македонија. Енергетскиот суверенитет на Македонија се загрозува и со намерата ХЕЦ Тиквеш да се даде како мираз за изградбата на Чебрен, односно една веќе изградена и исплатена хидроцентрала која евтино произведува струја за домаќинствата да се подари на друг и тој некој друг потоа преку ХЕЦ Тиквеш да го финансира проектот Чебрен.Ова покажува дека оваа власт е предводена од кусогледи политичари. Впрочем заради нивната кусогледост денес се соочуваме со енергетска криза како ниедна друга земја, без обезбедени енергенси во пресрет на зимата и со половични производствени капацитети“ велат од опозициската ВМРО-ДПМНЕ.