Пред да реагираме инстинктивно и со емоции, правилно да се постави дилемата: Зошто во Македонската академија на науките и уметностите (МАНУ), институција од клучно значење за науката во земјата, до денес нема ниту еден вработен Албанец? Зошто Албанците, втората најзначајна заедница во Северна Македонија, се исклучени од институција која треба да претставува и да поддржува сите етнички и културни групи во земјата?, прашуваат од ВЛЕН.
„Коалицијата ВЛЕН сака да нагласи дека Академијата за науки и уметности на Албанците не треба да се гледа како контраст или паралелизам на МАНУ. Напротив, ние ја гледаме оваа иницијатива како можност за соработка и синергија помеѓу двете академии, промовирајќи размена на идеи и искуства, и придонесувајќи за напредокот на науката и уметноста на национално и меѓународно ниво.
На оние кои Академијата за науки и уметности на Албанците ја нарекуваат „квази-академија” им порачуваме: ставете ја главата во некоја дупка и не излегувајте следните 20 години, бидејќи вие го уништивте образованието и културата на Албанците. ДУИ со спротивставувањето на оваа иницијатива уште еднаш докажува дека е на иста линија со ВМРО-ДПМНЕ кога се во прашање албанските национални проекти.
Основавањето на Академијата за науки и уметности на Албанците претставува важен чекор кон напредувањето на науката, уметноста и културата на Албанците во Северна Македонија. Оваа институција ќе служи како академски и културен центар кој има за цел да ја промовира и развива знаењето и креативноста на албанскиот јазик и традиција, придонесувајќи на тој начин за обогатување на мултикултурниот мозаик на нашата земја.
Коалицијата ВЛЕН повикува на поддршка на оваа племенита иницијатива и на ангажман во конструктивен дијалог за да се осигура дека овој проект ќе се реализира успешно и ќе донесе користи за сите граѓани на Северна Македонија. Ние сме уверени дека само преку соработка и разбирање можеме да изградиме подобра заедничка иднина“, истакнуваат оттаму.