Поранешниот украински боксер – Владимир Кличко кој е припадник на украинските сили за територијална одбрана, а кој е и брат на градоначалникот на Киев, за „Си-Ен-Ен“ изјави дека руските војници денеска напаѓаат области ширум Украина, а нивна главна цел е главниот град Киев.
„Во наредните денови очекуваме голем напад на главниот град. Тие се прегрупираат. Тие се обидуваат да најдат различни стратегии и се обидуваат да го најдат вистинскиот начин и вистинското време. Значи секој час е важен, а ние во секој момент очекуваме напад на главниот град, особено, како што реков, во наредните денови. Нивна цел е главниот град“ – рече Владимир Кличко.