Американскиот претседател Џозеф Бајден во рамките на кампањата за претстојните избори во Соединетите Американски Држави објави ново видео во кое освен што ги претставува достигнувањата на актуелната администрација, се осврнува и на годините.
„Гледате, јас не сум млад човек. Не е тајна. Но, тука е работата: разбирам како да се завршат работите за американскиот народ. Ја водев земјата низ кризата со Ковид. Денес ја имаме најсилната економија во светот“, рече Бајден (81), пренесе NBC News.
Спотот од 60 секунди ќе се емитува на локалната и кабелската телевизија во критичните држави – Аризона, Џорџија, Мичиген, Северна Каролина, Невада, Пенсилванија и Висконсин.
Целна група се младите и црните гласачи во градовите како Атланта, Детроит, Лас Вегас, Медисон, Филаделфија и Феникс, наведува американскиот ТВ канал.