Американскиот потпретседател Џеј-Ди Венс беше пречекан со свирежи и негодувања од публиката по неговото пристигнување на концертот на Националниот симфониски оркестар во Вашингтон.
Додека се одржуваа вообичаените најави пред концертот, во ложата влегоа Венс и неговата сопруга Уша, што предизвика гласни извици и протести во салата, со што најавите станаа речиси нечујни, пренесува Гардијан.
WATCH: JD Vance was met with massive boos at a concert at the Kennedy Center tonightpic.twitter.com/M5DuWzcche
— Republicans against Trump (@RpsAgainstTrump) March 14, 2025
Ваков отворен политички протест ретко се гледа во инаку резервираниот свет на класичната музика. Венс иронично ѝ одговори на публиката со насмевка и мавтање додека некои му викаа: „Ти го уништи ова место!“
Безбедносните проверки на Тајната служба поради доаѓањето на потпретседателот го одложија почетокот на концертот за 25 минути.
Негодувањето доаѓа кога администрацијата на Трамп ја презема контролата врз Центарот Кенеди. Во февруари, американскиот претседател Доналд Трамп го разреши претседателот на одборот на директори и 13 членови, назначувајќи се себеси за нов претседател и назначувајќи го блискиот соработник Ричард Гренел за привремен лидер. Меѓу новите членови на одборот е и Уша Венс, која претходно работеше во управниот одбор на Симфонискиот оркестар на Синсинати.
Кога Трамп го презеде Центарот Кенеди, јасно стави до знаење дека сака да го промени културниот правец на институцијата.
„Го презедовме Центарот Кенеди“, рече тогаш Трамп. „Не бевме задоволни од програмата и разни други работи. Ќе се погрижиме да биде квалитетна и да нема повеќе woke содржини во оваа земја“.