(ВИДЕО) Трилинг: Ќе ја спасиме ли Македонија од исчезнување правејќи деца?

Во новото издание на магазинот „Трилинг“ гостуваат Сара Миленковска магистер по родова еднаквост, Горан Антевски директор на Раде Кончар-ТЕП, Горан Марковски независен кандидат за градоначалник на Скопје, Влатко Стојановски, новинар. Во рубриката „Знаење што менува“ во соработка со Семос едукација за гејминг индустрија.

-Апсурдно е да очекуваме дека сакаме повеќе деца во повеќе сиромаштија и самата изјава на Мицкоски која што одново и одново ја повторува без навистина да се потпре на креирање на политики коишто би овозможиле некаква подобра реалност за сите нас, укажува дека создава уште поголемо отуѓување и поделба, смета Сара Миленковска магистер по родова еднаквост.

-Македонија секогаш е на штрек. Бизнисот во Македонија секогаш е на штрек затоа што не знаете утре што ќе се случи. Трошоците што ги прави јавната администрација се големи и го оптеретуваат буџетот, а и нашите плаќања кон државата, вели Горан Антевски директор на Раде Кончар-ТЕП.

-ДУИ нема да може да демонстрира триумфализам доколку не ги освои градоначалничките места во водечките општини, пред сѐ оние со најголема симболика, смета новинарот Влатко Стојановски.

-Урбаниот хаос се пресликува и во хаос на животот. За Скопје да заличи на европски град потребни ни се години и години, но за да почне да заличува, граѓаните да почувствуваат дека е сменет правецот, насоката на движење, за тоа потребна е една година, вели Горан Марковски независен кандидат за градоначалник на Скопје.

Гледајте не на ТВ24 во 20.45ч , на youtube каналот Трилинг, како и на порталот triling.mk.