(Видео) „Трилинг“ најава: Дали СДСМ ќе ја формира идната влада, колку ВМРО-ДПМНЕ е обединета пред избори?

Во новото издание на „Трилинг“ гостува министерката за одбрана, Славјанка Петровска.

За набавката на хеликоптерите, вели, во МО не е пристигнато барање од ДКСК со кои бараат материјали по таа претставка.

На прашaњето дали знае кој ќе биде следниот на „црната листа“, Петровска одговара негативно, но и не би открила и да знае.

Ја разјаснува и дилемата колку пратеници ќе освои СДСМ на претстојните избори и дали ќе може да формира Влада.

Адвокатот и поранешен член на „реформаторите“ во ВМРО-ДПМНЕ, Александар Михајлоски одговара на прашањето како го квалификувал правно упадот во Собранието.

– Поминати се 7 години од тој настан. Време е или да се донесе Закон за амнестија или да се помилуваат лицата, вели тој.

За ВМРО-ДПМНЕ вели имаат квалитетна програма и луѓе, а ќе настапат обединети како никогаш досега и очекува убедлива победа.

Се отвара и темата дали професијата фотограф е во изумирање со третиот гостин во емисијата – Томислав Георгиев, добитник на наградата „Никола Младенов“.

Погледнете ја најавата: