(Видео) Трилинг: Колку е загрозена безбедноста ако мафијата е инфилтрирана во МВР?

Во новото издание на магазинот „Трилинг“ ќе разговараме со Оливер Спасовски координатор на пратеничката група на СДСМ и екс министер за внатрешни работи, аналитичарот Сефер Селими и Ирена Ивановска сениор директор на Семос едукација.

Трагедијата во Кочани, лидерската средба Мицкоски-Филипче, функционалноста на безбедносно структури, неколкунеделната пауза на Собранието се темите во интервјуто со координаторот на пратеничката група на СДСМ и екс министер за внатрешни работи Оливер Спаосвски.

Во првиот дел Спасовски меѓудругото говори и за тоа каде треба да се бара одговорноста поврзана со трагедијата во Кочани, како и за безбедносните пропусти околу последниот пример со апсењето на човек од обезбедувањето на Мицкоски и опасностите од инволвирањето на криминални структури.

„Во 2009 година кога ВМРО-ДПМНЕ е на власт се менува Закон за угостителска дејност во којшто се намалуваат критериумите за минимално-техничките услови на објектите. Од аспект на безбедноста пропусти има во Министерството за внатрешни работи, заради тоа што ако вие имате план за една контрола на малолетници и тргување со опојни материи, во таа дискотека за таа вечер, тоа подразбира дека знаете како институција дека таа дискотека функционира“, вели Спасовски.

Околу последниот случај со приведувањето на член на обезбедувањето на Мицкоски и како мафијата успеа да се инфлитрира во МВР, Спасовски вели дека „тука се поставува прашањето и за безбедноста на самиот претседател на Владата, од каде се тие документи и кој му ги дал за да можат да бидат доставени на одредени криминални групи“.

Во вториот дел од „Трилинг“, аналитичарот Сефер Селими говори и околу воведувањето на последните царини од страна на Трамп, како и за внатрешно политички теми – коалициските конфронтации меѓу ВМРО-ДПМНЕ и ЗНАМ, превирањата во ВЛЕН, како и тет-а-тет средбата на премиерот со претседателот на СДСМ и можноста од реализирање на предвремени парламентарни избори.

„Нема веќе ‘здраво за готово’ партнерство со САД“.

„Се влегува дури во некакви калкулации не само за локалните избори, туку и за можни предвремени парламентарни избори“, вели Селими.

За придобивките, но и за предрасудите од Вештачката интелегенција, за релевантноста и точноста на ChatGPT, гостинка во Трилинг Ирена Ивановска Сениор директор на Семос едукација. За тоа колкава е процентуалната точност на информации кои што ги добиваме или ги бараме од Chat GPT, Ивановска вели дека најголем процент се релевантни, но нормално е да и има и грешки.

Гледајте не вечерва во 20.45ч на ТВ24, на youtube каналот Трилинг, како и на порталот triling.mk.