(ВИДЕО) Трилинг: Инфлација, камати, ценовен шок

Во „Трилинг“ интервју со гувернерот на НБРСМ Трајко Славески. Во ТВ магазинот гостуваат и ректорот на ДУТ Јусуф Зејнели и актерката Нина Елзесер.

„Работата е во тек. Надлежните сектори во Народна Банка го прават тоа во моментов, додека говориме. Тука е и мисијата на ММФ, ги слушаме и нивните размислувања. Тешкотијата е во тоа што постои голема неизвесност“., изјави во „Трилинг“, гувернерот на Народната банка, Трајко Славески, прашан дали и кога Централната банка ќе направи ревидирање на прогнозите за порастот на бруто општественото производство, инфлацијата, имајќи ги во вид новите движења на глобално ниво.

Тој додава дека неизвесност има во смисла на времетраењето на конфликтот и последиците од него.

„Единствено што сега е извесно е дека има енергетски шок којшто, промптно влијае на цената на нафтените деривати, а притоа полека се прелева или, ќе се прелева во одредени сектори. Оттука ние се раководиме од некои искуства од минатото, како и од некои проценки, односно што би значело 10 –процентното зголемување на цената на нафтата и колку може да се очекува зголемувањето на проекцијата за стапката на инфлација“, изјави во Славески.

Околу анализата на Централната европска банка, во која се вели дека воениот конфликт сериозно се одразува и врз банките, гувернерот вели дека за среќа, кај нас, банкарскиот систем во изминатиот период има изградено значителна отпорност, резистентност кон шокови.

„Во моментов еден од показателите за силината на банкарскиот сектор е адекватноста на капиталот. Кај нас тој процент е 19%. Банките се високопрофитабилни. Ликвидноста е на високо ниво. Значи и во вакви кризни ситуации банките можат, и се во состојба да продолжат со сервисирање, со кредитирање, задоволување на потребите и на населението и на бизнисите. Тоа укажува дека во моментов нема никаква опасност за банкарскиот сектор, напротив граѓаните ја покажаа својата доверба“, вели Славески и додава дека парите се најсигурни во финансиските институции, а не како што народот вели „под перница“.

Прашан колку изнесуваат депозитите и дали може со сигурност да се каже дека денарот е стабилен, гувернерот вели дека депозитите на граѓаните се околу 7 милиони евра и според НБРСМ се во постојан пораст.

„Инаку номиналниот девизен курс на денарот е стабилен и не постојат никакви ризици за таа стабилност“, вели Славески.

Славески, осврнувајќи се на предвидувањата на познатиот светски економист, Рубини, дека големата економска криза, во времето на рецесијата од 2008-та година, може и сега да се преслика, и дали би можело Централната банка да ги зголеми каматните стапки, вели дека сите очекувања се дека нема да дојде до нешто слично, барем не како резултат на овој нафтен шок.

„Во вторникот, Извршниот одбор на НБРСМ ја задржа референтната каматна стапка на благајнички записи со претпазливост за идниот развој на настаните“, додава Славески.

Гувернерот не негира и дека ќе има раст на инфлацијата.

„Ги правиме проценките. Европската централна банка смета дека за 0,3% поени, секое зголемување на нафтата од 10% може да влијае на стапката на инфлација. За да не дојде до инфлаторни шокови, Владата може да превенира“, вели Славески.

„Сенатот на Универзитетот во Тетово донесе едно решение за повлекување на законот. Треба да се земат предвид сите забелешки, па после да се постави како решение. Јас како ректор ја почитував волјата на секој професор“, изјави во „Трилинг ректорот на Државниот универзитет во Тетово, Јусуф Зејнели, за новиот нацрт-закон за високо образование, од кој не се откажува министерката Јаневска, ниту Владата, и дали Тетовскиот универзитет согледува забелешки и слабости.

Прашан дали ваков како што е предложен новиот закон за високо образование, ректорот вели дека за нив е неприфатлив.

„Не секогаш е многу пријатно во ‘туѓите чевли’, но кога сум на сцената јас комплетно заборавам на својот живот, на сцената, на мојот начин на размислување“, вели за „Трилинг“, актерката Нина Елзецер говорејќи за предизвиците со кои се среќаваат за време на претставите, т.н. ‘туѓи чевли’. ,глумата’“.

Aктерката Елзесер за потенцира дека „ја кажуваме суровата вистина којашто можеби луѓето не сакаат да си ја признаат“.

Прашана за културата во Македонија, низ призмата на младиот човек, Елзесер смета дека театарот, уметноста треба да имаат поголема улога во општеството.

Погледнете го новото издание на магазинот „Трилинг“.