Словенечките метеоролози потврдија дека синоќа таа земја била погодена од торнадо.
Над Илирска Бистрица се разви торнадо, соопшти словенечката агенција за заштита на животната средина (АРСО).
„Се забележува релативно широк вртлог, во чии рамки има и многу силни, но мали вртлози со пречник од само неколку метри. За среќа, феноменот траеше само неколку минути“, известуваат од Агенцијата за заштита на животната средина.
На станицата Кошезе кај Илирска Бистрица најсилниот измерен удар на ветерот бил 107 км/ч, информираат од Агенцијата за заштита на животната средина.
Како што објаснија за 24ur.com, ветерот во вителот веројатно бил посилен, но истовремено немало посилни налети на пошироко подрачје.
Фотографиите на социјалните мрежи покажуваат како торнадото во селото Кошезе во општина Илирска Бистрица носело покриви и откорнало дрвја, поради што пожарникарите и другите служби за итна помош имале полни раце работа.
Поради невремето, пожарникарите интервенирале во повеќе општини, меѓу кои Блед, Тржич, Радовљица Словенске Коњице, Рогашка Слатина, Дуплек и Мурска Собота.
🌪 Nekaj čez 20. uro se je nad Ilirsko Bistrico razvil tornado.
🌪 Vidi se razmeroma širok vrtinec znotraj katerega so prisotni tudi zelo močni, a majhni vrtinci, ki imajo premer le nekaj metrov.Zaradi omejitve dolžine je video skrajšan. Poslal nam ga je Klemen Bergoč.#tornado pic.twitter.com/JurpI9b5KV
— ARSO vreme (@meteoSI) August 1, 2023