Видео од Ахмети со цигара в рака,пеејќи албанска песна ги преплави социјалните мрежи.Според дел од албанските медиуми ова е порака до ,,огнените”.Според дел од нив ова е така поради повикот од Огнената група од ДУИ до партискиот лидер Али Ахмети – „да не го пали јорганот за една болва“.Не песната, пишуваат албански медиуми, туку видното расположение на партискиот лидер е одговорот на повикот од неговите сопартијци. Видеото од Ахмети го објави ,,Алмакос”.
„Огнената група“, која изразува незадоволство, бидејќи Владата во која половина министри се Албанци, реализирала само два одсто од изборните ветувања кон Албанците, вчера во Студеничани ја одржа првата од низата средби што ги најавија со граѓани и членови на партијата. Од собирот повторија дека се непоколебливи во поддршката кон нивниот лидер Ахмети, но му порачаа „да не го пали јорганот за една болва“.
– Ние сме со Али Ахмети, но претседателе, не го гори јорганот за една болва. Ја изгубивме поддршката во Полог. Поддршката паѓа и во другите зони, погледнете ја најновата анкета на ИРИ. Ситуацијата е алармантна – порача партискиот потпретседател Иџет Меџити од Студеничани.
Барањата на „огнените“ во последните неколку месеци беа отфрлани на неколку партиски состаноци.