Сцена

(Видео) Навивач истури чипс во лицето на Тадеј Погачар, Словенецот мирно продолжи да вози до победа

Од Triling Mk 33

Еден од навивачите истури чипс во лицето на словенечкиот велосипедист Тадеј Погачар за време на денешната планинска етапа на Тур д’Франс.

Тоа се случи на два километри пред целта, но Словенецот не реагираше и во ист ритам продолжи да вози до победата, 13-та во кариерата на најпознатата велосипедска трка во светот.

Со победата на 14-та етапа, Погачар го зголеми своето водство во генералниот поредок пред второпласираниот Данец Јонас Винегор, кој стигна до целта со 39 секунди заостанување.

Во генералниот поредок, Погачар сега има предност од 1:57 минути пред Винегор, трет е Белгиецот Ремко Евенпул, кој заостанува 2:22 минути, а четврти Жоао Алмеида, кој заостанува 6:01 минути.

Следната, 15-та етапа се вози во недела од Луденвил до Плато де Беил и е долга 197,7 километри.