Утрово регионот се разбуди со веста дека еден припадник на полицијата на Косово е убиен, а уште еден е ранет рано утрово во напад од непознати и маскирани лица во селото Бањско. Иако по ова се шпекулираше дека тензиите ќе спласнат, сепак навидум сега започнуваат. По убиството, се слушаат пукотници на северот во Косово, а премиерот Албин Курти обвинува дека се наоѓаат 30 вооружени лица, кои според него се под инструкции на официјален Белград.
Во вонредна прес-конференција Албин Курти рече дека „најмалку 30 тешко вооружени професионалци ја напаѓаат косовската полиција“, а за нападот директно ја обвини српската страна.
Очевидци од околината на селото Бањско споделуваат видеа на социјалните мрежи кои се застрашувачки и јасно се слушаат пукотници и истрели.
#BREAKING A group of armed masked men that came in an armored vehicle, stormed the Banjska monastery in the north of #Kosovo.#UkraineWarNews #RussiaUkraineWar pic.twitter.com/6sYyHpvSKm
— CBKNEWS (@CBKNEWS121) September 24, 2023
Курти вели дека Белград го финансира овој напад.
#Breaking – Currently, in northern #Kosovo, there is an ongoing attack involving automatic weapons near Banjska. pic.twitter.com/Te8MsbBA3y
— Jack Straw (@JackStr42679640) September 24, 2023
Се разбира, на ова возврати и официјален Белград. Претседателот на српското Собрание, Владимир Орлиќ изјави дека косовскиот премиер Албин Курти веднаш побрзал да ги обвини Србите за настаните во Бањска и дека секој сериозен прво би видел што точно се случило, па потоа да коментира.
За неколку минути вонредна прес-конференција ќе одржи и Александар Вучиќ, на која како што вели, ќе ги разобличи лагите на Албин Курти.