(Видео) Ивановска: Ќе згаснат многу професии, а некои ќе бидат заменети со нови ВИ занимања

– Како држава секогаш сме се прилагодувале на предизвиците. Интересот започнува бидејќи имаме доста странски компании и тие компании имаат голем притисок од надвор за да имплементираат во нивните апликации ВИ решенија. Затоа се случува тој почетнички бум и веќе се обраќаат до нашата компанија како да ги обучуваме за да ги зголемат вештините во ВИ.

-Не верувам дека новинарството, како новинарство ќе исчезне, затоа што сепак кога поставувате генерирани прашања мора да знаете дали тоа е соодветно за говорникот или не. Значи мора да постои одредена граница која што Вие ја поставувате како ќе се движи тоа интервју.

-Не верувам дека одеднаш ќе исчезнат многу професии, но постепено некои ќе бидат заменети со нови ВИ професии

-Безбедноста е број еден пред да се почне со ВИ во компанијата. Финансиски малверзации може да постојат и постојат, бидејќи има умови коишто размислуваат на тој начин . Тие секогаш ќе постојат и треба да се заштитиме од такви криминали.

-Се смета дека до 2050 година сексот, човекот – роботот ќе биде доминатен и дали тоа значи дека во следните децении секс роботите влегуваат во нашите кревети, Ивановска вели дека сѐ уште не можат да покажат емоции и сега за сега не може човекот да се замени.

Постојат позитивни предизвици, затоа што Вештачката интелигенција (ВИ) веќе станува составен дел од сечиј живот. Користењето е секојдневно. Порано беше нешто што се разбираше дека е Научна фантастика и дека станува збор на одредена група на профили како што се ИТ професионалци. Но веќе не е така, веќе ВИ допира до сите улоги во една компанија. Сите се вклучени со тој позитивен предизвик и сите на свој начин користат одредени алатки коишто ќе придонесат да станат попродуктивни, да ги заменат оние репититивни таскови со одредени ВИ агенти“, изјави за „Трилинг“, Ирена Ивановска, сениор директор во Семос едукација, за тоа кои се предизвиците со Вештачката интелигенција (ВИ).

За тоа дали постои можност Вештачката интелигенција да стане своевиден регистар на занимања кои со текот на времето другите работни позиции ќе изумрат, ќе згаснат, Ивановска вели дека во моментот тоа го гледа како нешто што може да замени репититивни таскови, таскови коишто ни одземаат многу долго време.

„Вам како новинар ви одзема време пишувањето на прашања што треба да ги составите. Веќе со користење на Copilot i ChatGPT многу полесно може да составите одредена група на прашања што може да ги поставите од одредена специфична област на соговорникот. Така што имаме заштеда на време и поефикасно негово користење“, смета Ивановска.

Говорејќи околу тоа дека сѐ уште постојат одредени предрасуди што се ќе значи Вештачката интелигенција, Ивановска вели дека во моментов во сите компании во Македонија се осеќа таа несигурност спрема ВИ. Не толку несигурност, туку не знаат во кој правец да тргнат.

„Еве еден конкретен пример – Кај нас дојде одредена компанија која ни кажа дека лута со ВИ, дека не знаат во кој правец да одат и сакаат да обучат 100 луѓе. Она што прво го помислив е дека 100 луѓе е огромна бројка за обука и прашав дали може да направиме како пилот проект да обучиме 10 луѓе, а ако се задоволни да се зголеми на останатите членови на тимот. Тоа и се случи, беа презадоволни, видоа колку им заштедува време користењето на Copilot во нивната работа и во моментов обуката ја проширивме.

За тоа каква е промената на пазарот на труд и дали и каква е општествената промена со Вештачката интелигенција, Ивановска вели дека промената се осеќа во секоја компанија.

„Кај нас лично, во нашата компанија се осети таа промена, особено со автоматизација на бизнис процесите и она што е интересно е што сега секој вработен може да си направи свој агент. До скоро се мислеше дека агентите се некој баук, некоа тема за некои научници, но веќе со говорен јазик можам да си креирам свој агент за своите бизнис процеси“, вели Ивановска и додава дека мора да се прилагодиме на новите светски предизвици.

„Како држава секогаш сме се прилагодувале на предизвиците. Интересот започнува бидејќи имаме доста странски компании и тие компании имаат голем притисок од надвор за да имплементираат во нивните апликации ВИ решенија. Затоа се случува тој почетнички бум и веќе се обраќаат до нашата компанија како да ги обучуваме за да ги зголемат вештините во ВИ, смета Ивановска.

На прашањето, на пример, дали може актерството, новинарството да бидат алтернатива на некоја друга професија, Ивановска вели дека сепак оној личен состанок, фидбек е многу поемпатичен и многу попозитивен, наместо да се зборува со некој виртуелен агент.

„Не верувам дека новинарството, како новинарство ќе исчезне, затоа што сепак кога поставувате генерирани прашања мора да знаете дали тоа е соодветно за говорникот или не. Значи мора да постои одредена граница која што Вие ја поставувате како ќе се движи тоа интервју“, вели Ивановска.

Околу тоа дали постои опасност и простор за згаснување на некои професии и кои би биле тие, Ивановска вели дека веќе во производствениот систем роботиката е нормален дел, но сепак постојат луѓе кои ги менаџираат тие роботи и мора да бидат контролори на целиот систем и процес.

„Не верувам дека одеднаш ќе исчезнат многу професии, но постепено некои ќе бидат заменети со нови ВИ професии“, смета Ивановска.

Според неа, број еден е да се заштити приватноста и сигурноста на податоците.

„Прво нешто кога имплементиравме Вештачка интелигенција (ВИ) во нашата компанија не беше да го пуштиме веднаш Copilot и веднаш да го употребиме. Прво што се направи е безбедноста на податоците, затоа што не можете вие да се обраќате и да добивате нерелавантни или тајни информации кои се итни за компанијата, а вие да имате пристап. Така што безбедноста е број еден пред да се почне со ВИ во компанијата. Финансиски малверзации може да постојат и постојат, бидејќи има умови коишто размислуваат на тој начин . Тие секогаш ќе постојат и треба да се заштитиме од такви криминали“, вели Ивановска.

За ставот на Трејси Кокс, експертка за врски која вели дека до 2050 година сексот, човекот – роботот ќе биде доминатен и дали тоа значи дека во следните децении секс роботите влегуваат во нашите кревети, Ивановска вели дека сѐ уште не можат да покажат емоции и сега за сега не може човекот да се замени.

За тоа колкава е процентуалната точност на информации кои што ги добиваме или ги бараме од ChatGPT, Ивановска вели дека најголем процент се релевантни, но нормално е да и има и грешки.

Целото интервју погледнете го видеото.