Во албанскиот парламент се гласа за буџетот за 2024 година, но седницата наместо дебата ја одбележаа пратениците на опозицијата, кои активираа димни бомби.
Информацијата ја пренесува „АБЦ Њуз“, од каде велат дека веднаш штом почнала седницата, опозициските пратеници направиле барикади од столици, по што ги активирале димните бомби.
Тие потоа се обиделе да ја блокираат и говорницата, но обезбедувањето ги спречило.
Седницата траеше околу 5 минути, по што буџетот беше начелно изгласан. Поради чадот во Собранието, немаше ниту расправа, а во еден момент, избувна и мал пожар.
На седницата беше присутен и премиерот Еди Рама, но набрзо потоа ја напушти салата.