АктуелноСвет

(Видео) Во Русија 13 загинати во пукање во училиште, од кои 7 се ученици

Од Triling Mk 150

Во пукотницата денеска во училиште во рускиот град Ижевск загинаа 13 лица, меѓу кои седум ученици, а 14 деца и седум возрасни се повредени, покажуваат најновите податоци што ги објави Рускиот истражен комитет.

Напаѓачот извршил самоубиство, јавуваат руските агенции.

Локалниот функционер Александар Бречалов претходно објави дека неидентификуван маж влегол во училиштето број 88 во Ижевск и го убил чуварот.

Училиштето го посетуваат 982 ученици, а работат 80 наставници.

Ижевск е административен центар на Руската Република Удмуртија.