Вадефул ги повика Хамас и Израел да го почитуваат мировниот план
Сите напори сега мора да бидат фокусирани на исполнување на очекувањата на луѓето во целиот регион, наведе Вадефул пред да тргне на повеќедневна посета на Блискиот Исток
Шефот на германската дипломатија Јохан Вадефул по обновувањето на борбите во Појасот Газа ги повика и Израел и Хамас да не го загрозуваат мировниот план.
– Сите напори сега мора да бидат фокусирани на исполнување на очекувањата на луѓето во целиот регион, наведе Вадефул пред да тргне на повеќедневна посета на Блискиот Исток.
Тој го повика Хамас да ги исполни своите обврски од мировниот план, според кој палестинската екстремистичка група треба да се разоружа и да ги врати останките на сите израелски заложници.
Вадфул исто така го повика Израел да покаже „воена воздржаност за да се спречи повторно страдање“.
Според палестински извори, во израелски напади врз Појасот Газа во текот на ноќта загинале најмалку 50 лица, меѓу кои и 22 деца, а повредени се околу 200 луѓе. Израелската армија, пак, соопшти дека во борби на југот од Појасот Газа бил убиен еден нејзин војник.