Буфон го потврди назначувањето на Гатузо за селектор на италијанската репрезентација

Директорот на италијанската фудбалска репрезентација, Џанлуиџи Буфон, изјави дека е постигнат договор со Џенаро Гатузо да стане  селектор на „Азурите“.

– Гатузо е новиот селектор на италијанската репрезентација. Донесовме најдобра одлука, му изјави Буфон на новинарот Матео Морето.

Последната работа на 47-годишниот фудбалски стручњак беше во Хајдук, кој го напушти на почетокот на јуни.

Пред тоа, Гатузо ги тренираше Марсеј, Валенсија, Наполи, Милан, Пиза, ОФИ, Палермо и Сион.