Премиерката Ана Брнабиќ ги повика невладините организации, кои се дел од Националната конвенција, да проговорат за тортурата што ја доживуваат Србите на Косово.
На седницата на Националната конвенција за ЕУ во Собранието на Србија, Ана Брнабиќ посочи дека во овој момент сите треба да се потрудат да го зачуваат мирот на Косово.
„Ние сме на работ на вооружен конфликт благодарение на едностраните потези на Приштина. Граѓански организации, ве молиме да се изјаснете за тортурата што ја доживуваат Србите на Косово. Мора заедно да го зачуваме мирот“, рече Брнабиќ.
Таа праша каде на европскиот континент е можно 12 дена да нема информации за уапсен маж, наведувајќи дека тоа е Дејан Пантиќ.
„Никој не знае каде е, не се знае дали примил терапија. Семејството не може да се слушне со него. На сето ова одговара шефот на ЕУЛЕКС и вели дека не знаат каде е. А вие што правите во Косово? Колку е тоа човечки и во ред“, праша Брнабиќ.