Осудениот воен злосторник Бранимир Главаш пристигна во Босна и Херцеговина, откако беше осуден на седум години затвор од Жупанискиот суд во Загреб за злосторства против Србите во Осиек.
Главаш во изјава за порталот 24сата рече:
„Отидов во БиХ, но не побегнав. Имам два пасоша. Не сакам повеќе да живеам во Хрватска. Ја создадов оваа земја. Замислете вака кога ќе ја ставам главата на трупецот. Немаат ниту еден доказ. Ова е политичка местенка. Немам намера да одлежам ниту еден ден затвор“ вели тој.
Бранимир Главаш уште пред да даде изјава за медиумите на својот Фејсбук профил се огласи. Таму изјави дека е во Босна и Херцеговина и додал порака:
„За секој случај. Никогаш не знаете што има во главата на будалите и судиите“.
Инаку, треба да се спомене дека ова не е првпат Главаш да доаѓа во БиХ поради пресудите против него. Тој дојде во 2009 година пред да биде изречена првичната пресуда за овој случај. Главаш на крајот отслужил дел од казната во Мостар, а во 2015 година Уставниот суд на Хрватска му ја укина казната.
По повтореното судење, Главаш повторно беше осуден, без јурисдикција, на 7 години затвор.