Папата Франциск денеска во својата традиционална божиќна порака „Urbi et Orbi“ (До градот и светот) повика на „итно прекинување на бесмислената војна во Украина“, јавува Би-би-си.
Говорејќи пред толпата на плоштадот Свети Петар во Ватикан, папата исто така ја осуди употребата на „храната како оружје“ во војна.
Додека војната во Украина беше во фокусот на поголемиот дел од неговиот 10-минутен говор, папата се осврна и на конфликтите и хуманитарните кризи во Сирија, Мјанмар, Иран и Хаити, како и во африканскиот регион Сахел, велејќи дека светот е „гладен за мир“.
Тој предупреди дека светот станува толку десензибилизиран за кризи и страдања што тие сега се случуваат без да бидат забележани.
Тој исто така рече дека ефектите од пандемијата ги загрозиле напорите за решавање на конфликтот на меѓународно ниво.
Папата Франциск предупреди на социјалните последици од пандемијата, велејќи дека има „сè поголема тенденција за повлекување… да престане да се труди да се сретне со други и да работи заедно“, пренесува Радио Слободна Европа.
Тој исто така рече дека „на меѓународно ниво постои ризик од избегнување на дијалогот, ризик оваа сложена криза да доведе до кратенки наместо да се оди на подолг пат“ за решавање на конфликтот.