Божиновска: Не се откажуваме од „Чебрен“ – ќе гледаме државата да биде доминантен сопственик

Ниту оваа Влада предодена од ВМРО-ДПМНЕ нема да се откаже од изградбата на деценискиот проект, хидроцентралата Чебрен на Црна Река во Мариово, сега ќе се разгледува опцијата државата да биде доминантен сопственик на истата.

Министерката за енергетика Сања Божиновска рече дека за овој проект на маса се седнати сите еминентни професори од различни области. Нова студија нема да се прави, ќе се искористат постојните, а планот е државата да биде доминантен сопственик.

– Во ЕСМ постојат студии од 1960 година кои веќе ги разгледуваме, а последната е од 2022 година. Професорите ги разгледаа сите студии. Ние не сакаме пак да правиме физибилити студија, која може да ни одземе една година, или година и пол. Сакаме да направиме еден проект, за да видиме што може да се направи затоа што хидрологијата е подложна на климатските промени – рече Божиновска на брифингот со новинарите.

Таа посочи дека има заинтересирани странски инвеститори и дека веќе со нив се разговара.