Би-Би-Си одговори на обвинувањата дека нејзиното покривање за ракот на Кејт Мидлтон било нечувствително

Националната телевизија на Обединетото Кралство, која ја сними видео пораката објавена на 22 март, рече дека „примила поплаки од луѓе кои сметаат дека нашето покривање за дијагнозата на рак на принцезата од Велс е претерано и нечувствително“. Во официјалното соопштение, Би-Би-Си инсистираше на тоа дека нивното известување за вести се раководи од „чувствителноста“ и „важноста на оваа приказна“, иако „не секој би го одобрил пристапот што го презеле“, според Холивуд Репортер.

Принцезата од Велс, 42-годишната Кејт Мидлтон во март потврди дека и бил дијагностициран рак, неоткриена форма. Објавата дојде два месеци по шпекулациите за здравствената состојба на принцезата по успешната абдоминална операција на која таа беше подложена во јануари. Шпекулациите за состојбата на Кејт и нејзината конечна дијагноза беа интензивно следени од Би-Би-Си и другите медиуми.

„Како дел од нашата анализа, ги испитавме интензивните шпекулации за здравјето на принцезата во последните недели“, се вели во соопштението на Би-Би-Си. „Исто така, известивме за барањето на Кетрин за приватност и ја детализиравме изјавата на палатата Кенсингтон дека принцезата има право на приватност за нејзините здравствени проблеми.

Британската телевизија понатаму нагласи дека членовите на нејзиниот тим секогаш внимателно ги разгледуваат уредувачките одлуки, нагласувајќи дека целокупната покриеност на мрежата покажала дека Кејт и нејзиното семејство минуваат низ тежок период. „Во секое време бевме внимателни да му пристапиме на нашето известување со чувствителност“, заклучува Би-Би-Си.

Палатата Кенсингтон во јануари објави дека Кејт е подложена на планирана абдоминална процедура и дека ќе ги откаже сите ангажмани до Велигден. Јавната пауза на Кејт доведе до неконтролирани и широко распространети шпекулации за нејзината состојба и здравје пред таа и кралското семејство конечно да дадат одговори.

„Имав голема операција на абдоменот во Лондон во јануари и во тоа време се мислеше дека мојата состојба не е канцерогена“, рече Кејт во видеото објавено од палатата минатиот месец. „Операцијата беше успешна, но тестовите по операцијата покажаа дека има рак. Затоа, мојот медицински тим ме советуваше да одам на превентивна хемотерапија и сега сум во раните фази на тој третман“, рече Кејт во видеото.

„Принцот Вилијам и јас направивме се што е во наша моќ да го обработиме и решиме ова приватно за доброто на нашето младо семејство. Како што можете да замислите, за ова беше потребно време. Ми требаше време да закрепнам од голема операција за да можам да започнам со лекување“, додаде таа.

Кејт и Вилијам имаат три деца, принцот Џорџ (10), принцезата Шарлот (8) и принцот Луис (5) и чекаа јавно да ја објави дијагнозата додека не добијат шанса да им кажат на своите деца. Извор подоцна изјави за Us Weekly дека Кејт се потпирала на своето семејство во текот на целиот третман.

„Таа лесно се уморува, но се труди да поминува што е можно повеќе време со своите деца“, изјави еден инсајдер за американскиот магазин минатиот месец.