Како и беше најавено вечерва во 18 часот пред Општина Битола се одржа третиот по ред мирен протест на битолчани кои се залагаат за дислокација на Региноналната депонија, односно да не биде во рудникот „Суводол“, во Општина Новаци.
Протестите битолчани ги започнаа на 15 март 2025 година, кога и го одржаа првиот протест. Протестите започнаа по најавите дека новата регионална депонија ќе се гради за депонирање смет од 18 општини од Југозападниот и Пелагонискиот Регион.
На протестот беше речено дека во иднина треба да се организира координативно тело и да има организиран настап пред институциите, протестот продолжи во марш од Општина Битола, преку Широк Сокак, до Офицерски дом.
Пред тоа беа оставени црни вреќи со ѓубре пред влезот на Општина Битола.Инаку, на вонредна седница Советот на Општина Битола усвои заклучок со кој се бара измена на локацијата за регионална депонија.
Нов протест е закажан за идната среда, но со променет термин, во 15 часот.
Извор: Битолањус