Битиќи: Годинава 528 милиони евра директни странски инвестиции

Вицепремиерот за економија, Фатмир Битиќи, во своето вечерашно гостување на Алсат тв рече дека годинава што изминува, била една од најдобрите во последните 10 во поглед на висината на странските инвестиции. Како што појаснува тој, подобра била само 2018-тата.

„Годинава, странските директни инвестиции, во овој момент, се на ниво од 528 милиони евра. Има само една година, во изминатите 10 години подобра од оваа година, а тоа е 2018-тата“, вели Битиќи.

Секој граѓанин оваа година е субвенциониран со 6.800 денари, или секое домаќинство добива субвенција од 21.000 денари оваа година за обезбедување на електрична енергија на регулираниот пазар, соопшти Битиќи.

Тој истакна дека и малите компании се субвенционирани со до 100 проценти за електрична енергија.

„За малите компании коишто се на регулираниот пазар, договорена е цена од 250/260, но таа на берзите се искачи до 500 евра. Значи разликата е 100% субвенција“ нагласи Битиќи, додавајќи дека со ова бизнисите добиваат предвидливост и стабилност, односно предвидлива цена и сигурност дека ќе има електрична енергија, што е клучно за развојот.