Бесими: Даночните реформи не почнуваат сега, има акциски план 2021/2025

Министерот за финансии Фатмир Бесими вели дека даночните реформи не почнуваат сега, тие се дел од програмата на Владата и се дел од стратегијата за реформи на даночниот систем што е усвоен во декември 2020.

Тајмингот, во однос на имплементацијата, би бил транзициски, не значи дека сè што се разговара сега ќе се примени од 1 јануари па натаму, затоа е јавната дебата, изјави Бесими на тв 24.

„Реформата е поширока од тоа што сега се дискутира, има акциски план 2021/2025. Значи не почнува денеска, од аспект на кризата, затоа отвораме расправа, зошто сакаме да ги слушнеме сите засегнати страни. Важно е во квалитетот на овие реформи да има инклузивност во самиот процес“ – рече тој.

Како што изјави министерот, на 1 јануари 2023 година, прогресивниот данок на личен доход стапува на сила, како и оданочување на депозитите и данокот на капитална добивка.

Бесими истакна дека главната цел на реформите не е само фискалните приходи од тие реформи, туку и правичноста на тие реформи.