Карим Бензема во својата кариера освои уште едно важно признание, напаѓачот по четврти пат е прогласен за најдобар француски играч кој не игра во Лига 1.
Секоја година членовите на Националниот сојуз на поранешните фудбалери ја доделуваат оваа награда, а Бензема ја освојува четврти пат во кариера.
„Л’Екип“ пренесува дека Бензема наградата ја примил во Париз. Ова е само уште едно значајно признание во кариерата на искусниот француски напаѓач.
Сезонава, Бензема со Реал Мадрид го освои Суперкупот на Европа, Светското клупско првенство и Копа Дел Реј, а во октомври 2022 му беше доделена „Златната топка“.