Белата куќа го назначи Џим О’Нил за в.д. директор на Центрите за контрола и превенција на болести
Центрите за контрола и превенција на болести (CDC) влегоа во фаза на „политички хаос“ откако администрацијата на американскиот претседател Доналд Трамп ја отпушти директорката Сузан Монарез, само еден месец откако таа ја презеде функцијата.
Белата куќа денеска го назначи заменик-секретарот за здравство и социјални услуги Џим О’Нил за вршител на должноста директор на американските Центри за контрола и превенција на болести (CDC), откако претходниот ден ја отпушти Сузан Монарез , објави „Вашингтон пост“, повикувајќи се на два информирани извори.
Изборот на Џим О’Нил, актуелниот заменик-секретар на Роберт Ф. Кенеди Џуниор, потенцијално го отвора патот за Кенеди да ги продолжи реформите во политиката за вакцинација во САД откако претходната директорка на CDC, Сузан Монарез, ги отфрли неговите барања, објави весникот.
Центрите за контрола и превенција на болести (CDC) влегоа во фаза на „политички хаос“ откако администрацијата на американскиот претседател Доналд Трамп ја отпушти директорката Сузан Монарез, само еден месец откако таа ја презеде функцијата.
Монарез наводно одбила да поднесе оставка, а нејзините адвокати тврдат дека таа станала „цел“ поради нејзиниот научен став, додека администрацијата инсистирала на нејзино разрешување.
Министерството за здравство и социјални услуги (ХХС) претходно објави дека Монарез повеќе не е на чело на ЦДЦ, без да ја објасни одлуката.
Заменик-портпаролот на Белата куќа, Куш Десаи, потврди дека Монарез е отпуштена поради одбивање да се повлече, што предизвика дополнителни политички тензии.
Според извештаите, Монарез се судри со американскиот секретар за здравство Роберт Ф. Кенеди Џуниор откако таа одби да ги поддржи промените во политиката за вакцинација