Бајрам Реџепи: Лажните ветувања се кошмар за жителите во населбата Вонвардарска

Кандидатот за градоначалник Бајрам Реџепи од Националната Алијанса за Интеграција информира дека вчера остварил средба со жителите на населбата Вонвардарска, со кои разговарале за недовршените општински проекти.  Реџепи најавува крај на овој модел на менаџирање на 19 октомври.

-Бевме во посета на населбата Вонвардарска, таму каде што лажните ветувања се претворија во вистински кошмар за жителите. Започнатите работи за водоводот останаа недовршени, оставајќи оштетени улици, оштетени возила и цели семејства без вода. Ова е реалноста на импровизациите и измамите на актуелната власт. На 19 октомври, Тетово ќе стави крај на овој модел на менаџирање, бидејќи нашиот град заслужува работа со план, одговорност и достоинство за секоја населба, истакна Бајрам Реџепи.