Сцена

Барди стрелец во лудиот пресврт на Трабзонспор

Од Triling Mk 20

Фудбалерите на Трабзонспор ја запишаа осумнаесеттата победа во турската Супер лига, откако со луд пресврт славеа дома против Газиантеп со 4-2.

Гостинот водеше со 0-2 на полувремето, ама потоа прими дури четири гола и убедливо загуби.

Македонскиот репрезентативен капитен Енис Барди беше стрелец на погодокот за израмнување (2-2) во 65. минута, откако Онуачу му одложи топка на шеснаесетникот.

Уште еднаш Барди покажа каква техника поседува и без размислување ја испрати топката во гостинската мрежа.

Инаку, херој во победата на Трабзон беше токму Паул Онуачу, бидејќи даде хет-трик и запиша асистенција при погодокот на Барди.

На четири кола пред крајот на сезоната Трабзонспор е на добар пат да обезбеди место во Лигата на Европа бидејќи е третопласиран и има шест бода повеќе од Истанбул Башакшехир, а седум од Бешикташ.