Ахмети: ДУИ не е резервна гума, не сакаме во владата!

Првиот човек на ДУИ, Али Ахмети, денеска на конференцијата „100 дена скандали, понижувања и неуспеси“, изјави дека Европскиот фронт не е заинтересиран да стане дел од Владата, бидејќи, како што истакна, тие не се резервна гума.

Ахмети рече дека Европскиот фронт е легитимен претставник на Албанците и помалите етнички заедници, додавајќи дека ВЛЕН не победи на изборите.

„Ние сме легитимните претставници на Албанците, тие не победија на изборите“, рече првиот човек на ДУИ, Али Ахмети.