Откако градоначалничката на Скопје, Данела Арсовска, влезе во клинч со власта, преку изнесувањето факти за тоа како се градат дивоградби во Чаир, сега таа најавува дека намерата им е дестабилизација на Скопје.
„Им се дестабилизира милионскиот бизнис.
Им се дестабилизираа Ганиу, Меџити и Адеми.
Утрово ми јавија дека сковале план сега да го дестабилизираат Скопје.
Ќе почнат со ЈСП, па со Комунална хигиена и ќе креираат хаос за да дефокусираат и да владеат.
Ете што ќе се случува од денес.
Бизнис коалицијата со Ганиу, Меџити и Адеми, не смее да трпи.
На сликава од вчера ѕирка дестабилизираниот елемент“, напиша кусо утрово Арсовска на социјалните мрежи.
Не е невозможно она што го најавува Арсовска, со оглед на тоа што веќе три дена ги нема приватните автобуси, по завршувањето на договорот со нив, а за тоа дека градот е голема депонија, сведочиме со месеци.