Апел на Зеленски до сојузниците откако Русија изврши 1.000 воздушни напади за една недела
Украинскиот претседател Володимир Зеленски упати итен апел до сојузниците да обезбедат дополнителна воена помош во форма на американски системи за противвоздушна одбрана Патриот, откако Русија изврши повеќе од 1.000 воздушни напади врз Украина минатата недела.
Украинскиот претседател Володимир Зеленски упати итен апел до сојузниците да обезбедат дополнителна воена помош во форма на американски системи за противвоздушна одбрана Патриот, откако Русија изврши повеќе од 1.000 воздушни напади врз Украина минатата недела.
„Потребна ни е силна поддршка од нашите партнери“, објави Зеленски на својот канал Телеграм и рече:
„Повеќе системи за воздушна одбрана „Патриот“ за Украина значи поголема заштита на животот“, рече тој.
Zelensky calls for more air defence after 1,000 attacks in a week https://t.co/jOd1TRGW4v via @Yahoo
— Michael Eichert (@michaeleichert) January 20, 2025
Руските напади предизвикаа бројни жртви и десетици повредени, пренесе германската агенција ДПА.
Според Зеленски, Русија минатата недела ја нападна Украина со повеќе од 660 крстосувачки ракети, околу 550 беспилотни летала и речиси 60 проектили. Украинската противвоздушна одбрана собори 33 проектили, вклучително и балистичка ракета, како и повеќе од 300 беспилотни летала.
Зеленски објави видео кое го прикажува пустошењето и уништувањето предизвикано од нападите, на пример во Киев и Запорожје за време на викендот, како и во регионот Донбас на истокот на земјата.
„Задачата да продолжиме да го штитиме нашиот воздушен простор продолжува“ рече тој и ги повика западните сојузници на Украина да обезбедат повеќе системи за противвоздушна одбрана.