22-годишна девојка од Конектикат, САД, била нападната и искасана од ајкула додека нуркала на Карибите. Американката е пренесена во болница во тешка состојба на островите Туркс и Каикос, соопшти локалната полиција.
Нападот се случил во средата попладне на еден од островите пред одморалиштето Блу Хевен, во близина на Ливард Марина во Провиденсијалес, кога 22-годишната жена нуркала со пријателка, пишува Sky News.
„Жртвата беше гостин во друго одморалиште и клиент на компанија за патување со брод со која не сме поврзани“, рече портпаролката на одморалиштето Стефани Мек.
Вработен во одморалиштето повикал полиција и 911 по нападот
Полицијата соопшти дека вработен во одморалиштето во близина на Ливард Марина повикал полиција за нападот на ајкулата и побарал помош од 911.
Вработената изјавила дека ајкулата и ја одгризала ногата на девојчето, додала полицијата. Пријателот на девојката не е повреден. Се уште не е познато за каква ајкула станува збор, пишува Sky News.