Алек Болдвин го очекува осмото дете

Актерот Алек Болдвин и неговата сопруга, Хиларија го очекуваат нивното седмо заедничко дете што ќе е осмо негово дете, со актерката Ким Бесинџер ја имаат ќерката Ајрланд Болдвин.

„По многу подеми и падови изминатите неколку години, имаме причина за возбуда и големо изненадување… Уште едно „Болдвинито“ доаѓа оваа есен. Бевме прилично сигурни дека нашето семејство е комплетно, но бевме и повеќе од среќни со ова изненадување. Го споделувам со Вас мигот и, како што гледате, децата се многу возбудени“ – напиша Хиларија.

Двојката ја потврди веста и за „Пипл“.

„Една од најубавите работи што нашите деца ги доживеале со ова големо семејство е тоа – како љубовта се зголемува со секој нов член на семејството. Нашиот капацитет за љубов продолжува да се шири и едвај чекаме да го гушнеме новото бебе есенва“ – соопштија тие.