Агенти на ИЦЕ се обиделе да влезат во Конзулатот на Еквадор во Минеаполис

Еквадорското Министерството за надворешни работи на Еквадор тврди дека агенти на американската Служба за имиграција и царина (ИЦЕ) вчера се обиделе да влезат во Конзулатот на Еквадор во Минеаполис, но оти биле спречени од персоналот.

Поради тоа еквадорското МНР испрати протестна нота до Амбасадата на САД во Кито, барајќи да не се повторуваат такви инциденти.

Според меѓународното право, амбасадите, конзуларните канцеларии и другите дипломатски објекти на една земја се сметаат за суверена територија на таа нација, заштитени со дипломатски имунитет од неовластен влез од агенти на други влади.