Скок на Калин Ивановски на АТП листата

Најдобриот македонски тенисер, Калин Ивановски забележа нов скок на АТП ранг листата, каде напредуваше за 16 позиции.

Тој во моментов се наоѓа на 478. место на ранг-листата.

Овој пласман му го донесе минатонеделното финале на фјучерсот во Тунис и иако оваа недела не настапи на ниеден турнир, тој забележа нов најдобар пласман во кариерата.

Следна цел на нашиот тенисер е да влезе во топ 400 на АТП листата.

На врвот нема промени. Новак Ѓоковиќ се уште е прв, a во топ 5 се наоѓаат и: Карлос Алкараз, Стефанос Циципас, Каспер Руд и Андреј Рубљов.