Руското Министерство за одбрана утринава соопшти дека соборило 42 украински беспилотни летала над Крим.
„Девет беспилотни летала беа уништени во напад над Крим, а 33 беа неутрализирани со помош на електронска војна и паднаа пред да ја погодат целта“, соопшти Министерството за одбрана на Телеграм.
Податоци за жртви и штети не се дадени.
Гувернерот на Севастопол, Михаил Развозаев, изјави дека неколку авиони биле соборени на 10 километри од Севастопол, родното пристаниште на руската Црноморска флота.