Рускиот претседател Владимир Путин денеска побара од Федералната служба за безбедност (ФСБ) да ги засили своите акции во врска со разузнавачките активности на Украина и Западот против Русија.
Во говорот пред претставници на ФСБ, Путин рече дека агенцијата мора да ги спречи субверзивните групи да влегуваат во Русија од Украина, да ја зајакне заштитата на клучната инфраструктура и да ги спречи обидите на западните безбедносни служби да ги оживеат терористичките ќелии на руска територија, објави Ројтерс.
Тој рече дека западните разузнавачки служби отсекогаш биле активни во Русија, а сега „против нас ставаат дополнителни кадровски, технички и други ресурси“.
– Мора да одговориме соодветно – рече Путин.
Тој ѝ нареди на ФСБ да го спречи „илегалното оружје да доаѓа во неговата земја“ и да ја засили безбедноста во четирите украински региони што ги анектираше – Луганск, Доњецк, Запорожје и Керсон.
Претходно денеска руските власти соопштија дека на територијата на Русија биле соборени неколку украински беспилотни летала.