Земјотресите во Турција предизвикаа штета од 34 милијарди долари, според проценка на Светската банка.
Светската банка наведе дека во проценката не се земени предвид трошоците за реконструкција, кои веројатно се двојно повисоки. Не се земаат предвид штетите предизвикани во северниот дел на Сирија, кој исто така е погоден од земјотреси.
„Оваа катастрофа не потсетува дека Турција е во област со висока сеизмичка активност и дека е неопходно да се зајакне отпорноста и на приватната и на јавната инфраструктура. Светска банка е посветена да ги поддржи напорите на Турција во оваа насока“, се наведува во соопштението и се додава дека сѐ уште траат проценките за последните последователни потреси.
Околу 10.000 последователни потреси се случиле во Турција од 6 февруари, според турската јавна агенција за управување со катастрофи.
Во Турција и Сирија има повеќе од 48.000 жртви.